South Cotabato – Swerting wala maigo dihang gipusil ang usa ka driver human kining gipusil sa may Purok Employees Village, Barangay Lamian, Surallah, South Cotabato niadtong nakalabayng adlaw.
Giila sa Surallah PNP ang biktima nga si Raymond Alapto Marzo, 32, ulitawo residente sa Purok Paraiso, Barangay Lamian, Surallah.
Nasayran nga sakay ang biktima sa iyang motorsiklo ug pauli na unta sa ilang panimalay apan pag-abot sa lugar atubangan sa usa ka tindahan siya gipusil sa suspek nga si Condrado Roquero Mateo Jr., 41, laborer ug residente sa Purok employees Village, Barangay Lamian.
Wala maigo ang biktima kansa midangop gilayon sa buhatan sa Surallah PNP . malampuson usab nga nadakpan ang suspek atol sa gihimong hot pursuit operation kung asa narekober sa iyang posisyon ang usa ka unit sa caliber .38 revolver nga may upat ka empty cartridges, ug uas ka buhing bala.
Sa karon ang suspek balhog na sa silda sa kapulisan sa lungsod sa Surallah.
