BACOLOD CITY – Nadakpan ang ginatudlo lider sang isa ka drug syndicate nga naga-operate sa syudad sang Bacolod sa gintingub nga operation sang Bacolod City Police Office (BCPO) City Drug Enforcement Unit sa Prk. Magnolia, Brgy. 7, syudad sang Bacolod.
Nadakpan sa buy bust operation si John Carl Paje, 22 anyus, residente sang Brgy. 30, apang temporaryo nga naga-istar sa Brgy. 7.
Suno sa Assistant Team Leader sang BCPO-CDEU – Insp. Adrian James Albaytar, nga si PAJE ang supplier sang illegal nga droga sa Bacolod kag pila naman ka syudad kag banwa sa Negros Occidental.
Si John Carl Paje ang nag-bulos sa anay lider sang isa ka drug group sa syudad nga una naman nadakpan sang kapulisan.
Na-recover naman gikan sa suspek ang duwa ka bulto sang suspected shabu nga may market value nga kapin sa P150 mil pesos.
