Malay, Aklan — Natigayon nga maaresto kabii ko mga katapo it Provincial Drug Enforcement Unit (PDEU) rong sangka drug pusher sa banwa it Malay sa ginpatigayon nga buy-bust operation.
Nakilaea rong suspek nga si Antonio Oczon Jr., alyas “Jojo”, 41-anyos ag residente it Cubay Sur, Malay.
Sa pakikipag-angot it RMN DYKR kay PCInsp. Frensy Andrade, it Provincial Drug Enforcement Unit (PDEU) nga unang nahabakae sa suspek rong sangka plastic sachet it shabu kabaylo it P 2,000 pesos nga buy-bust money.
Samtang sa ginpatigayon nga body search hay naha recover pa gid ro tatlo ka mga plastic sachet.
Nasayuran nga dati raya nga nagabaligya it illegal nga droga sa Boracay ag nagsaylo sa mainlad matapos magsara rong isla.
Kapin sa sang buean man nga ginpaidaeom sa surveillance rong suspek bago madakpan.
Magapangatubang it kasong pagbayolar sa R.A. 9165 si Oczon.
