Roxas City, Capiz – Dakop sa ginkasa drug buy bust operation sang kapulisan ang tatlo ka mga persona sa Sitio San Juan, Barangay Baybay, Roxas City kagab-i. Ginkilala ang mga suspek nga sanday Brian Anthony Bulaclac, 29 anyos kag residente sang Barangay Inzo Arnaldo, Roxas City kag ang mag-live in partner nga sanday Paulo Aranza, 24 anyos sang Barangay Baybay kag Mary Nhel Costilo, 23 anyos sang Barangay 9 syudad sang Roxas.
Nakuha sa kamot sang mga suspek ang 11 ka sachets sang suspected shabu nga ginabulubanta nagabalor sang P84, 000, P1,000 pesos nga marked money, kag mga drug paraphernalia.
Ang isa sa mga nadakpan nga si Aranza ang ginapahayag anak sang kagawad sang Barngay Baybay. Magapangatubang sang kaso nga pagbayular sang RA 9165 ukon Comprehensive Dangerous Drugs Act of 2002 ang mga suspek kun sa diin yara na ang mga ini nakahunong sa karsel sang Roxas City Police Station.
Sa tatlo ka mga nagkaladakpan, duha diri ang newly identified drug personalities kag isa ang drug surrenderer. Ang madinalag-on nga buy bust operation sang mga kapulisan ang ginpangunahan ni Police Superintendent Dante Tayco, hepe sang Roxas City PNP.
(Photo credit: Col Dante Tayco)
