BACOLOD CITY – Nag-sugod na ang imbestigasyon sang Maritime Industry Authority (Marina) angot sa natabu naman nga pag-kabunggo sang Ocean Jet 7 sa docking area sa Bredco Port nagligad nga semana.
Suno kay Marina-Bacolod Development Officer Jose Ramilo Sumague nga sa karon wala nila gintugutan nga maka-byahe ang Ocean Jet 7 sa diin ila ini ginbalik sa Cebu City para sa dry docking.
Dugang pa ni Sumague, kon matapos na ang pagkaayo, maka-byahe lang ang amo nga barko sang Ocean Jet kon hatagan sila sang special permit sang Marina-Central Visayas Region.
Masobra 20 ka mga pasahero ang ginpangdala sa ospital sang nakaligad bangod sa amu nga insedente. Sang September 2017, 14 man ang nagkalaospital matapos ini ang nagbutyog.
Paathag sang Philippine Coastguard paagi Lt. Commander Jimmy Oliver Vingno nga nagkadeperensya ang iya nga throttle rasun wala ini nakontrol sang Kapitan.
Gusto tani iatras sang Kapitan ang barko samtang palapit ini sa pantalan apang wala nakasulod, rasun nga nagbunggo sa pantalan nga nagtuga sang impact.
