Ginsiguro sang Department of Social Welfare and Development ukon DSWD 12 ang ayuda sa mga apektado nga residente sang rehiyon sang panibag-o nga insidente sang linog.
Nahibaluan nga sang Dominggo sang aga nag-igo ang magnitude 4.8 sa Digos City, Davao del Sur kag makaligad ang pila ka oras nag-igo ang magnitude 6.3 tectonic earthquake sa Magsaysay sa nasambit nga probinsya nga nagpwersa sa 22 ka mga pamilya sa Balabag, Kidapawan City nga magbakwit.
Ginpahayag ni DSWD 12 Regional Director Cezario Joel Espejo nga ang ikaduha nga pag-uyog ang rason sang pag-angkon sang injuries sang apat ka mga residente sa Makilala kag isa ka 78- anyos sa Kidapawan City sa North Cotabato.
Samtang yara naman sa 15 ka mga balay sa M’lang kag lima sa Kabacan ang naguba tungod sa linog.
Suno pa nagcoordinate sila sa mga lokal nga opisyal para sa mga kinahanglanon nga mga dokumento para sa pagpanghatag sang ayuda.
Ginpahayag ni Jackiya Lao, disaster risk management division chief nga may-yara sang bastante nga family food packs kag non-food itemsn ang ahensya para sa disaster response support t sa local government units.
