Nagbahad ang Department of Social Welfare and Development kon DSWD Region 10 batok sa mga badlungon nga miyembro sa Pantawid Pamilyang Pilipino Program kon 4p’s nga tangtangon.
Sa interview sa RMN Malaybalay ngadto kang Oliver Inodeo, ang focal person sa 4P’s Region 10 gibutyag niini nga hugot ang ilang pagmonitor sa mga miyembro aron masilbi gayod ang tuyo ug tumong sa mao nga programa nga tabangan ang mga kabus.
Karon pa lang daan nagpahimangno kini ngadto sa mga benepisiyaryo nga panahon nga aduna nay cash card kinahanglan nga dili kini e-prenda tungod kay kung mahibaw-an nila, automatic kini nga dili mahatagan sa cash grants.
Gawas niini gipahimangnoan usab ni Inodeo ang mga nalambigit sa sugal, pag-inom sa alak, ug sa illegal nga droga nga dili nila kini e-tolerate.
Sa karon padayon matud pa ang ilang pagpanangtang sa mga benepisiyaryo nga wala nakasunod sa gitakdang mga kondisyon.
