Nagpahimangno ang National Telecommunications Commission kon NTC region 10 sa publiko, nga magbinantayon sa nagkalain-laing modus pagpangilad sa text, o kining gitawag nga teks scam.
Sa interview sa RMN Malaybalay, gibutyag ni Engr. Vixter Abaday sa NTC region 10 nga mas gipahugtan nila karon ang ilang pagpahigayon ug information dissemination ngadto sa publiko aron dili mabiktima sa pagpangilad sa text.
Gihimo matud pa nila kini tungod sa padayon nga reklamo nga nadawat sa ilang buhatan.
Matud ni Engr. Abaday nga adunay tulo ka klase sa tekscam ug kini naglangkob sa Panalo promo, kamag-anak/kaibigan pa load teks scam, ug pasa/nakaw load teks scam.
Sa Panalo promo= mao ning scam nga adunay mangayo sa imong personal nga impormasyon og load kung kinahanglan, ug mangayog kwarta para processing fee pinaagi sa money transfer.
Sa kamag-anak/kaibigan pa load teks scam- kini ang scam nga magpaila nga imong paryente o barkada, ug magpahibalo nga sila na aksidente o nay problema ug nangkinahanglan sila og kwarta o load.
Samtang sa pasa/nakaw- o load text scam- kini ang scam nga nga mag-offer ug discounts o promo.
Ipa type ang imong 11 digit number, amount sa discount ug ipa send sa maong number.
