Ginahangkat sang Department of Trade and Industry ukon DTI 12 ang mga pesons with disabilities (PWDs) nga i-avail ang ila special discounts sa pagbakal sang mga nagapanguna nga balaklon kabahin sang ila nga katungod.
Ginpahayag ni DTI-12 Regional Director Jude Constantine S. Jaugan nga importante nga mahibaluan sang kada pumuluyo sa rehiyon ilabi na sang mga PWDs ang pribilehiyo nga ginahatag sa ila.
Base sa Republic Act 9442, “An Act Amending the Magna Carta for Persons with Disability,” may dugang nga insentibo ang isa ka PWD nga nabalhag sa joint implementing rules and regulations sang Department of Trade and Industry kag Department of Agriculture sa diin ginahatagan sang special discount nga 5% ang PWD sa retail price sang basic necessities kag prime commodities.
Dugang pa ni Director Jaugan nga kadungan sa paghatag sang tama nga ihibalo sa mga PWDs ang pagpatigayon man sang information drive sa mga business establishments sa tama nga implementasyon sang nasambit nga special discount.
Samtang para naman suno pa sa dugang nga ihibalo angot sa pagpalista kag pagkuha sang PWD ID, magpadulong lamang suno pa sa pinakamalapit nga City/Municipal Social Welfare and Development Office ukon Persons with Disability Affairs Office.
