DTI, gisiguro nga padayon ang ilang pagbantay sa presyo sa mga nag-unang palaliton sa nasud

Gipahayag sa Department of Trade and Industry nga padayon ang ilang pagbantay sa presyo sa mga nag-unang palaliton sa nasud.

Kini bisan sa reklamo sa katawhan tungod sa pagsaka sa palaliton nga resulta sa Tax Reform Acceleration and Inclusion o TRAIN Law.

Matud ni Trade Secretary Ramon Lopez, nga padayon ang paglibot sa DTI sa mga merkado aron masiguro nga nakasunod ang mga negosyante sa ilang gitakdang suggested retail price.

Gihingusgan usab ni Lopez nga basi sa ilang monitoring, anaa sa insakto nga presyo ang palaliton ug gamay lamang ang epekto sa mga produkto sa TRAIN Law.