DTI, LGU Cabagan Lumagda sa MOA para sa Pagtatayo ng CWAC

27
Cauayan City, Isabela- Nilagdaan ng Department of Trade and Industry (DTI) Isabela at Local Government Unit ng Cabagan ang Memorandum of Agreement para sa pagtatayo ng Cabagan Consumer Welfare Assistance Center (CWAC).

Ang lagda ay pinangunahan ni DTI Isabela Provincial Director Ma. Sofia Narag at LGU Cabagan Municipal Mayor Atty. Christopher Mamauag.

Nagpahayag naman ng pasasalamat si Director Narag sa LGU dahil sa matibay na suporta nito sa mga inisyatibo ng DTI partikular ang may kinalaman sa proteksyon at adbokasiya ng mamimili sa bayan gayundin ang pagpapatibay sa pangako ng ahensya na makipagtulungan sa LGU upang gawing opisina ang CWAC para sa impormasyon ng consumer, alalahanin, reklamo, at update.

Binigyang diin naman ng alkalde ang buong suporta ng LGU sa pagbibigay ng paraan para sa mga Cabagueño na magkaroon ng kaalaman, edukasyon, at protektahan mula sa anumang mga pang-aabuso sa tungkulin sa usapin ng kalakalan.

Ang bayan ng Cabagan ay magiging unang munisipalidad sa Isabela na makapagtayo ng sariling Consumer Welfare Assistance Center na magiging katuwang ng DTI at LGU sa pagtataguyod para sa interes ng mga mamimili sa bayan.

Facebook Comments