Kalibo, Aklan – Maga umpisada eon sa pagmonitor rong Department of Trade and Industry (DTI) Aklan it mga Christmas Lights ag Décor sa mga baeakeonan iya sa banwa it Kalibo.
Suno kay Ma. Carmen Iturralde, Provincial Head it DTI-Aklan nga makarong buean it Nobyembre maga umpisa sanda sa pag inspection kon ro mga ginabaligya nga Christmas Lights ag Décor hay may una nga Philippine Standard (PS)License ag Import Commodity Clearance (ICC) ro mga produkto.
Pagatan awon man nanda rong mga gina baligya kung hay nakasueod sa andang listahan.
Nagpadumdom man si Iturralde sa mga Aklanon nga kung nagabakae it mga Christmas Lights ag Décor hay tan awon it mayad kon raya hay pasado sa andang pag inspection para malikawan ro ano mang insidente kapareho kung pagkasunog.
Samtang kung sa mga pagkaon man hay tan awon man it mayad rong expiration date.
