Personal nga nagpatala sa Puerto Police ang laing 9 ka mga factory workers kagahapon. Kini human nga gituhoang nabiktima gihapon sa investment scheme.
Ilang gi-reklamo ang usa ka babaying si Annalie Cano, hingkod ang panuigon, factory worker nga minyo nga residenti sa Brgy. Bugo ning syudad.
Dugang mireklamo ang usa ka (1) Eden Mae Hallasgo, 36 anyos, minyo nga taga Casinglot, Tagoloan sa Misamis Oriental. Matud pa sa report naka-invest kini og 10,000 pesos.
Ang mosunod nga mga pangalan ang laing 8 pa nga nabiktima sa investment scheme:
- Ronalyn Dela Victoria, 33 anyos, taga Justo Ramonal, CDOC. 10K pesos usab ang iyang na-invest.
- Ana Liza Babasol, 41 anyos nga taga Bugo, 70K
- Rito Babasol, 43 anyos, taga bugo, 20K
- Josephine Tanhay, 41 anyos nga taga Tablon, 35K
- Liberty Tarucan, 47 anyos, taga Kimaya, Jasaan, 20K
- Rutche Babasol, 48 anyos, taga Bugo, 10K
- Efril Sabuya, 33 anyos, taga Natumolan, Tagoloan, 10K
- Katleen Conde, 27 anyos taga Katipunan, Villanueva, 60K usab ang na-invest ni-ini ngadto ni Annalie Cano.
Suma total moabot ngadto sa halos 250K ang kantidad sa maong salapi nga nakuha gikan sa nahisgutang mga complainants.
Ang nasangpit nga mga biktima pulos mga factory worker sa usa ka dakong kompanya sa Brgy. Bugo ning syudad.
Matud sa desk officer, padayon pa ang pagtrabaho ni Cano sa nasangpit nga factory.
Nasayran nga nag-invest ang mga biktima ngadto ngadto sa suspect nga si Cano og bugti sa 20% nga interest rate nga makuha ni-ini matag-bulan.
Apan dakong pagka-dismaya sa mga complainant dihang hangtud karong wala pa gihapon mahinayon ang maong saad ngadto kanila nga 20% kung diin niadto pang Enero ning tuiga unta ang pinaka-unang payout.
Matud pa sa report, nawala na ang ilang pagsalig og pagtuo sa respondent apan matud sa otoridad nga ang maong kaso karon gi-refer na ngadto sa Brgy. Lupon sa Bugo aron ma-settle ug mahatagan sa tukmang disposasyon.
Kasama mo sa PS 6 Puerto, RadyoMaN Andy Coco, DXCC Tatak RMN!
