Liwat nga ginpatuman sang provincial government sang Negros Occidental ang mga sweeper flights nga magadala sang mga Negrense pabalik sa probinsya.
Ini sa gihapon ang paga-updan sang Philippine Airlines (PAL) kag nagbuylog naman ang Air Asia nga magasugod sini nga adlaw June 16 tubtub June 22 kag maga-operate duha ka beses kada adlaw.
Suno kay Gov. Bong Lacson, 57 percent ang naghalin sa Manila, 33 percent ang naghalin sa Iloilo, 7 porisento ang halin sa Cebu samtang 3 percent ang halin sa iban nga lugar.
Samtang, sini nga adlaw may masobra sa 2,000 ka mga Overseas Filipino Workers (OFWs) kag mga Locally Stranded Individuals (LSI) ang dugang nga nag-abot sa probinsya.
Ginpahayag sang gobernador nga sa kapin 2,777 ka mga nag-abot 1,715 diri ang LSI kag 1,062 naman ang mga OFWs.
Ini nga mga OFWs kag LSI ang nag-abot sakay sa barko kag eroplano nga gin-asikaso ang Overseas Workers Welfare Administration (OWWA) kag sang Inter Agency Task Force.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
