Gawas sa regular nga social pension sa mga senior citizens nga tag P500.00 matag bulan, adunay laing dugang nga P200.00 sa matag bulan ang nakatakdang ihatag isip usa ka “Unconditional Cash Transfer”.
Matud pa ni Office of Senior Citizens Affairs (OSCA) Head Florentina Reambonanza, ang maong P200.00 nga dugang ihatag sa usa ka higayon lamang sulod sa usa ka tuig sa kinatibuk-ang kantidad nga P2,400.00.
Pahayag ni Reambonanza nga sa pagkakaron nagpadayon pa ang pagproseso sa mga personal nga data sa mga edaran aron ma-endorso kini ngadto sa rehiyunal nga buhatan sa Department of Social Welfare and Development (DSWD).
Nasayran, nga tinguha sa maong departamento nga makompleto ang release sa maong unconditional cash transfer grant ngadto sa mga social pensioners sa dili pa mahuman ang Marso 2018.
*-30- (M L) *
