Pagadian City – Nipabarog og dugang tulo ka traffic lights ang lokal nga kagamhanan ning syudad nga gimontar sa tulo ka kanto sa sentrong bahin aron mas makatabang sa paghapsay sa natad sa trapiko.
Ang tulo ka bag-o ug dugang traffic lights nga kamulo pang-gitrabaho makaplagan diha sa Rizal Avenue corner Cerilles street nga kanhi Alano street, anaa usab sa FS Pajares Street ug Datoc Street ning dakbayan.
Si Engr. Elmer Pranza sa City Traffic Management Office, miingon nga ang control system na lamang ang ilang gipa-abot aron maka-operate na ang unang tulo ka traffic lights nga hingpit nang napatindog sa dalang Rizal.
Aminado si Pranza nga nakapalisod sa pagpabarog sa traffic lights mao ang mga wire nga gipanag-iya sa Zamsurico 1.
Gidugang pa niya nga nagpadayon ang pag-edukar sa mga motorsita pinaagi sa Drivers Academy nga ginahimo matag adlaw nga sabado.
