Ginahanda na sang mga kapulisan ang kaso nga pagsupak sa R.A.9165 ukon Comprehensive Dangerous Drugs Act of 2002 batuk sa duha ka lalaki nga nadakpan sa ginpatigayon nga drug buy bust operation sang City Drug Enforcement Unit (CDEU) sang Mayo 30, sa Purok Langis, Barangay Banago syudad sang Bacolod.
Ang mga suspek nga nakahunong subong sa Custodial Facility sang Police Station 3 amo sanday; Eugene Sotto, 32 anyos ginakabig nga High Value Target kag Reynaldo Contreras Jr., 37 anyos samtang nakapalagyo naman ang tag-iya sang balay sa diin ginpatigayon ang transaksyon.
Na-recover sa ila posisyon ang apat ka dalagku nga bulto kag napulo ka Sachet sang suspected shabu nga may bug-at nga 21 gramos nga may market value nga 170 kalibo ka pesos (P170,000), 1,500 Pesos nga buy bust money kag drug paraphernalia.
[image: image.png]
