*General Santos City— Arestado pinaagi sa hini-usang pwersa sa Regional Anti-Cybercrime Unit 12 ug Police Station 2 ang duha ka suspek gumikan sa pagpang-extort.*
*Subay sa spot report sa kapulisan, alas 11:15 ang takna sa buntag dihang gihimo ang entrapment operation gawas sa usa ka pera padala sa may Crossing Makar ning dakbayan sa Gensan.*
*Unang nadakpan ang suspek nga si Vea Sayson Nuñez, 25 anyos nga resiente sa Purok 4, BCV, Bo. Blaan, Brangay Labangal ning dakbayan. Nakuha gikan sa iyaha ng posisyon ang 2, 500 nga kantiodad sa kwarta.*
*Kung asa gibutyag niini nga igo lang siyang gisugo sa iyahang kaipon nga si Rasul Mohammad, 23 anyos nga residente sa samang lugar rason nga gipahigayunan ug follow-up operation nga miresulta sa pagkasikop niini.*
*Pamahayag sa reklamanteng si Johanna Garcia, si Mohammad ang responsable sa pagpangilkil kaniya ug kwarta gumikan sa bahad nga ipakatag niini ang iyahang mga hubo nga hulagway.*
*Sa karon ang duha ka mga dinakpan ang balhog na sa lock-up cell sa police station 2 ug gikatakdang pasakaan ug kasong pagsupak sa RA 9995, extortion and grave threats in relation to sec. 6 sa RA 10175.*
