KASO SANG COVID-19 SA WESTERN VISAYAS, NAGSAKA NA SA 22

74

Nagsaka na sa 22 ang positibo nga kaso sang COVID-19 sa bilog nga Western Visayas kag apat na ang napatay.
Ini matapos apat ang nadugang sa listahan sang DOH region 6 kahapon kon sa diin , duha ang sa Capiz, kag tag-isa sa Iloilo kag Aklan.
Ginkumpirmar ni Dr. Jane Juanico, focal person on COVID-19 sang DOH 6 nga ang duha ka taga-Capiz nga nagpositibo ang ginalakipan sang 53-anyos nga lalaki nga may travel history sa Manila kag 50-anyos nga babaye nga napatay sang Marso 28 kag may travel History sa Dubai kag Manila.
Ang COVID-positive gikan sa Aklan ang isa ka 44 anyos nga lalaki kag ang sa probinsya sang Iloilo amo ang isa ka 58 anyos nga lalaki nga napatay kahapon sang aga.

Facebook Comments