Gisumbong nilang Stephen Dagacay, 35 anyos, minyo ug Jack Roxas, 26 anyos, minyo kinsa parehong residente sa Naawan, Misamis Oriental ang Admiral Overseas Employment Corporation nga mipasalig kanila niadtong 2016 nga makalarga abroad sulod sa lima ka adlaw.
Tungod sa maong pasalig, nag loan sila sa PJH lending aron makompleto ang tanang gikinahanglang dokumento.
Si Dacanay nag loan og 50-mil pesos nga dunay monthly interest nga mokabat sa nuybe mil pesos matag bulan samtang si Roxas nag loan og 36-mil pesos nga dunay interest siyete mil pesos matag bulan.
Human sa usa ka bulan, gipaninglan sila sa PJH lending apan tungod sa pasalig sa kompanyang ilang gi-applayan naabtan nalang sa duha ka tuig, wala pa gihapon sila makalarga abroad.
Tungod sa maong hitabo, midool ang duha sa POEA uban ang director sa Admiral Overseas Employment Corporation nga si Muhammad Raza Hassan Ali ug didto nasabutan nga ang kumpanya na mismo ang mobayad sa PJH lending samtang wala pa ang petsa sa ilang pagbiyahe abroad.
