Davao City – Nadakpan ang duha ka mga babaye sa drug buy bust operation nga gihimo sa San Pedro PNP kaniadtong miaging adlaw.
Mga dinakpan giila nga sila si Estelita Banilad Rever alyas Mila, 61 anyos, ug si Roseilinda Namo Malicay, 28 anyos, pulos nanimuyo kini sa Purok 2 Brgy. 76-A, Bucana ning siyudad sa Davao.
Ang duha ka mga suspek dugay ng gina-surveillance sa kapulisan diin sa maong operasyon, pinaagi sa poseur buyer ug buy bust mark money malampuson nga na aresto ang mga suspek.
Nakuha gikan sa possesion ni alyas Mila ang marked money samtang nakuhaan usab og tulo ka mga sachet sa gituuhang shabu si Roseilinda nga mobalor sa 4,000 pesos.
Kasong paglapas sa Republic Act 9165 kun Comprehensive Dangerous Drugs Act of 2002 ang atubangon nga kaso sa mga dinakpan.
RadyoMaN Paul Canono
