Davao City – Nasikop ang duha ka babae ug usa ka lalaki human nakuhaan og gituohang shabu atol sa operasyon nga gilusad sa Davao del Norte Police Regional office ug Philippine Drug Enforcement Agency kun PDEA XI alas 5:30 sa kadlawun niadtong Hunyo 7, 2018 sa Phase II, Dacudao Subd., Brgy. JP Laurel, Panabo City.
Sa report gikan sa Police Regional Office kun PRO XI, giila ang mga dinakpan nga sila Glory Mae Rodriguez Igano, 28 anyos, Mary Mae Rodriguez, 25 anyos ug pulos residente sa nasangpit nga lugar lakip naaresto ang usa ka lalaki nga si Jay Anthony Condontol De Asis, 22 anyos, tricycle driver ug residente sa medulla Subd., Brgy. New Pandan, Panabo City.
Nakumpiska sa otoridad gikan sa mga dinakpan ang 35 sachets sa gituohang shabu, marked money 2,000 pesos ug illegal drug paraphernalia.
Gikustodiya na sa kapulisan ang mga nasikop human nga nakalapas sa RA 9165 kun Comprehensive Dangerous Drugs Act of 2002.
RadyoMaN Renz Barbarona
