Dautan ang pinaskohan sa duha pamilya human nasunog ang ilang mga balay mga alas 7:50 kaganinang buntag sa Zone 4, Villa Trinitas Subdivision, Barangay Bugo ning syudad sa Cagayan de Oro.
Na-ugdaw ug na-abo ang balay nila Elsa Agbong ug Rosemarie Rosalita tunghod sa maong sunog.
Matud ni Fire officer 2 Gilbert Mordeno nga mikabat sa kapin kon kulang 100 thousand pesos ang damyos sa mga estraktora tungod sa maong katalagman.
Misaka sa first alarm ang maong sunog, matud ni Mordeno.
Apan matud ni Rosalita nga walay ilang nasalbar sa maong sunog kay lakip ang iyang 180-thousand nga salaping cash ug mga kabtangan ang gilamoy sa kalayo.
Matud usab ni Agbong nga tapot lawas ra ang nahibilin sa ilang mga kabtangan kay lakip ang ilang mga makina sa panahi ang lakip sa naugdaw.
Hinoon matud sa mga fire Investigator nga walay patay o samaran sa maong sunog nga mao karon ang ilang gi-imbistigahan aron ilang sutaon unsay hinungdan sa maong katalagman.
