HIMAMAYLAN City – Arestado ang duha ka mga gina-alegar miembro sang New People’s Army (NPA) sa ciudad sang Himamaylan.
Las-5-15 sang aga Marso 3, nag-operate ang 94th IB, Philippine Army upod sa Himamaylan City Police Station agod arestuhon sanday Eustiquio Manait kag Romeo Nanta nga mga wanted sa kaso nga three counts of homicide sa Sitio Catoltolan, Brgy. San Antonio apang wala naabtan ang mga ini.
Naabtan lamang sa balay nga gin-operate sang mga otoridad sanday Salvador Carpenterto, 47-anyos kag Jelian Delfin, 30, sa diin nakuhaan man ang mga ini sang armas kag granada. Si Carpentero ang ginatudlo Bahay/Bagsakan/ courier sang mga CPP-NPA Terrorists (CNTs) sa lugar kag nakuhaan ini sang isa ka 38 caliber revolver samtang MK2 hand grenade, assorted medicines/vitamins, subversive documents, 15 keypad cellpones, chargers, 9 ka flashdrives, flashlights kag batteries naman ang sa kay Delfin. Si Delfin ang ginasiling Regional Education Staff sang Komiteng Rehiyunal Negros (KRN) Negros, Cebu, Bohol, Siquijor.
Sanday Manait kag Nanta ang ginasiling may kahilabtanan sa pag-ambush sa militar sa Himamaylan, duha katuig na ang nakaligad.
Sa interview sang DYHB kay Police Lt. Arturo Margallo, Deputy Chief of Police kag Spokesperson sang Himamaylan City Police Station, magluwas sa kaso nga illegal possession of firearms batok sa mga naaresto, magapangatubang sang dugang nga kaso si Carpentero bangod sang pagkupkop sang kriminal ukon harboring criminal.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
