Duha ka insedente sa sunog ang girespondihan sa Bureau of Fire Protection o BFP kaganihang buntag.
Unang insedente mao ang sunog sa Gumamela Extension, Barangay Carmen ning syudad mga alas siyete sa buntag.
Nikabat sa 50 ka mga pamilya o dos sentos ka indibidwal ang naapektuhan sa sunog nga niabot sa 4th alarm.
Matud sa BFP nga gibana-banang mokabat sa tunga sa milyon ka pesos ang damyos sa sunog.
Nagsugod ang kalayo sa balay ni Monica Sevilla sa kwarto ni Juanita Bahian, pag-umangkon sa tag-iya sa balay.
Samtang, mga pasado alas otso usab sa buntag nahitabo ang ikaduhang sunog sa 6th-19th Street, Barangay Nazareth.
Nasunog ang duha ka andanang apartment nga gipanag-iyahan ni Herminio Salon ug gibana-banang mokabat sa 200-mil pesos ang damyos sa sunog.
Nagsugod matud pa ang kalayo sa aircon nga naa sa kwarto ni Lawrence Go.
Sa karon nagpadayon pa ang imbestigasyon sa BFP.
By: RadyoMaN Annaliza Amontos-Reyes
PC: RadyoMaN Lovelyrose Sambaan
