Duha ka lalaki ang natalang patay atol sa paghandum sa All Saints Day sa Cagayan de Oro City.
Lakip niini ang lalaking nakit-ang patay kagahapon sa buntag nga nahulog sa dike sa Zone 4, barangay Carmen ning syudad.
Ang biktima mao si Orcel Mate Lagaras, 27 anyos, ulitawo ug taga Zone 2, Barangay Carmen nga dunay samad sa agtang.
Samtang patay usab ang usa pa ka lalaking biktima sa vehicular accident kagahapon sa buntag sa Baloy, Barangay Tablon.
Ang biktima mao ang 36 anyos nga si Ronan Cailing na taga Piaping Puti, Barangay Macabalan.
Niangkas si Cailing sa motorsiklo apan nalagpot ug napasok sa trailer truck.
Sa interview sa dxCC-RMN gibutyag ni SPO2 Elmo Butra, Chief Traffic Investigator sa Police Station 10 Cugman nga hubog ang driver sa motorsiklo ug ang namatayng angkas niini.
Sa karon naa pa sa Cugman mini cell ang driver sa motorsiklo nga si Erwin Bautista ug ang driver sa trailer truck nga si Richard Ramos nga nakatakdang pasakaan og kasong reckless imprudence resulting in homicide sa adlawng Lunes.
