Nadakpan sa drug buy bust operation sa Divisoria Police station ang duha ka mga lalaki nga nagbaligyag illegal drugs.
Matud ni Police Chief Inspector Rogie Ortencio, Hepe sa Divisoria Police Station nga ang duha ka suspects mao silang Ian Chris Abas, 37 anyos nga taga Dolores Pabayo ug Rey Boy Agcopra, 48 anyos nga taga 6th-21th Street Nazareth.
Gibutyag ni Ortencio nga ang duha ka mga suspects ilang nadakpan sa ilang drug buy bust operation mga alas 9 kagabie sa Dolores Pabayo ning syudad.
Nakuha gikan sa duha ka mga suspects ang suspected shabu nga mokabat sa 10 gramos ug market value nga 50-mil pesos
Lakip sa nakuha sa mga otoridad ang buy bust money nga 1000 pesos.
Ang duha ka mga suspects gikatakda nga pasakaan sa kasing illegal drug pushing karong adlawa.
