Patay ang duha ka biktima human kini gitigbas sa wala mailang suspetsado didto sa Brgy. Seriac, Siayan, ning atong probinsya.
Naila ang mga biktima nga sila si Roy Gandipon Canlas, 19 anyos, ulitawo, usa ka mag-uuma ug ang iyang bayaw nga si Dondon Mendoza Egol, 25, menyo ang duha molupyo sa brgy. Balunukan, Siayan.
Sa nahimong imbistigasyon sa kapulisan sa Siayan, matod pa, ang duha ka biktima gikan kini nag-inom sa dihang naglatas sila sa dalan padulong sa ilang panimalay ang kalit lang kini silang gitigbas sa wala mailang suspek. Human sa panghitabo dali nga miikyas ang suspek padulong sa wala masayring direksyon.
Ang kapulisan sa Siayan sa pagkakaron padayon pa ang ilang imbistigasyon mahitungod sa maong panghitabo.
Facebook Comments
