Duha ka menor de edad nakuhaan suspected shabu sa isa ka checkpoint sa San Carlos City

24
Duha ka mga menor de edad ang nakuhaan sang suspected shabu sa isa ka checkpoint sa Eco TransLink National Highway sa Brgy. Rizal, San Carlos City mga la 1:05 kahapon sang kaagahon (July 18).

Suno sa record sang San Carlos City Police Station, ang mga suspek, naga-edad sang 15 anyos kag 16 anyos, lunsay pumuluyo sang Brgy. 5, ciudad sang San Carlos.

Pahayag sang pulis nga una nga gindakup ang amo nga mga menor de edad matapos nga wala ini sila nag-pundo sa ginpahamtang nga checkpoint kag sang gin-usisa didto kag nakita nga ini sila ang may dala gali nga suspected shabu.

Apat ka sachet sang suspected shabu nga ginabulubanta nagabalor sang masobra duha ka libo ka pesos ang nakuha sa amo nga mga menor de edad, lakip na ang drug paraphernalia kag iban pa nga gamit.*Photo taken from the Web

Facebook Comments