Duha ka mga babaye arestado, usa ka kilong shabu nasakmit sa buy bust operation sa Marawi City

15

Arestado ang duha ka mga babaye, pasado alas- 4:00 kagahapon sa hapon, sa usa ka anti-illegal drug buy-bust operation sa may KM 00 sa Barangay Datu Saber, duol sa usa ka national high school sa Marawi City.
Ang maong joint buy-bust operation gipahigayon sa Philippine Drug Enforcement Agency-Autonomous Region in Muslim Mindanao o PDEA-ARMM, PDEA 10, PDEA XI, 82nd Infantry Battalion, Philippine Army, LDS Provincial Drug Enforcement Unit (PDEU) ug sa Marawi City Police Station.

Giila sa pulis ang duha ka mga suspek nga sila si Naira Panda, adunay alyas nga Mila ug Saima Moda Imam, nailatnga Ima, kinsa anaa na sa hustong edad, mga residente sa lungsod sa Watu Balindong sa Lanao del Sur.

Napulo ka mga putos nga adunay sulod sa gituohang ‘shabu’, adunay gibug-aton nga usa ka kilo, gisulod sa usa ka unlan.

Matud pa ni Senior Superintendent Madzgani Mukaram, provincial director sa Provincial Police Office in Lanao del Sur, sila si Panda ug Imam posibleng mga drug courier.

Gipahigayon ang transaksiyon kilid lamang sa kalsada dapit sa may tunghaan.

Nagpahigayo pa og interview ang PNP ug ang PDEA ngadto sa mga suspek aron pagsuta sa kung kinsa ang ilang mga amo ug ang mga lugar kung asa kini i-distribute.

Si Senior Inspector Cris Cabugwang, hepe sa PDEU LDS, miingon nga wala sa ilang drug watchlist ang duha apan gikonsidera kini silang mga ‘newly-identified’ personalities.

Ang ubang mga nakumpiska gikan sa mga suspek gilangkuban sa duha ka mga cellular phones, usa ka brown coin purse ug ang 100-peso bill nga maoy gipa-ibabaw sa peke nga buy-bust money nga mokantidad og 1.9 million nga gisulod sa usa ka plastic bag.

Ang mga na-arestong suspek ug mga nakumpiskang ebidensiya giturn-over ngadto sa PDEA ARMM alang sa dugang imbestigasyon.

Facebook Comments