Duha ka mga dalagku nga eskwelahan sa rehiyon dose ang naidentify sang Department of Education ukon Dep. Ed. 12 nga ginahangkat mag-apply para sa International Standard Organization ukon ISO Certification.
Ang nasambit nga mga eswkelahan suno kay Dep. Ed. 12 Regional Director Dr. Allan Farnazo ang nahamtang dire sa syudad sang Koronadal nga amo ang Koronadal National Comprehensive High School kag Koronadal Central Elementary School ukon KCES 1.
Sa subong suno pa yara sa preparation stage ang nasambit nga mga ekswelahan para sa plano nga pag-apply sa ISO Certification.
Ginpahayag ni Dr. Farnazo sa tion nga may ISO certification ang eskwelahan mapaayo pa gid ang performance sang mga kabataan.
Samtang kinahanglan suno pa dire ang suporta sang mga ginikanan ilabi na sa pinansyal nga aspeto.
