Davao City – Duha ka lalaki nga gidudahang sakop sa Maute group ang gisikop sa kapulisan sa Bunawan PNP kauban ang Task Force Davao human naharang alas 9:00 kagabii sa inspection area sa gimuntar nga checkpoint sa Licanan Barangay Lasang, Bunawan district ning syudad.
Sumala ni Police Chief Inspector Estrello Ramiso ang station commander sa Bunawan PNP, ang naasoyng duha ka lalaki nadiskobrihan sa kapulisan nga kamay-ong sa nawong sa maute nga gipost sa tarpaulin diha sa checkpoint hinungdan nga daling gipangsikop.
Gidugang ni Ramiso, ang duha lalaki gikan sa Tagum City sakay sa depasaherong van ug mga residente sa Marawi City.
Giturn-over na ngadto sa Davao City Police Office ang duruha ug gipailawom na karon sa imbistigasyon.
Kasamang Don Pulayao
