Dipolog City – Parehong nanga-agol ang driver sa motorsiklo dihang nagbanga, bandang alas 4:15 karong hapon sa may national highway Barangay Minaog ning dakbayan sa Dipolog, particular atbang sa GSIS office.
Sa spot report sa kapolisan, naila ang driver sa Motorstar kolor itom nga si Vergilio Paterio Arobo, 65 anyos nga taga Barangay Liyang. dakbayan sa Dapitan.
Samtang ang gikabanga niini ang Racal kolor blue nga gimanehoan ni Jim Daymiel Namabla, 31 anyos, taga Purok Manga, Barangay Sicayab ning dakbayan.
Sa inisyal nga imbistigasyon sa nirespondeng kapolisan, nasayran nga ang motorsiklong gimaneho ni Arobo gikan sa may lotto outlet sa dapit apan pag-tungtong niini sa highway, aksidenteng nagbanga-an sa naghaguros nga motorsklo Racal nga paigon ang direction sa barangay Sicayab.
Sa kakusog sa impact nanga-piyapi ang mga yanta sa motorsiklo og nangalamba sa karsada ang duruha ka driver.
Ang driver nga si Arobo ang nagrabehan diin nakahiagom og bali sa tuong kamot og pangus og bun-og sa dagway niini kinsa admit karon sa provincial hospital, samtang samad sa kilay ang na-angkon ni Namabla nga gihulagway nga nakainom og bino.
