Nailhan na sa mga otoridad ang duha ka mga sakop sa New Peoples Army o N-P-A nga namatay sa engkwentro sa Sitio Kamansi, Barangay Banglay, Lagonglong, Misamis Oriental niadtong Mayo 27.
Matud ni 4th ID Spokesperson Lt. Tere Ingente nga ang duha ka mga rebelde mao silang Cesario Latio alyas Bobby nga taga Gingoog City ug si Odelo Compas alyas Sapayanan nga taga Barangay Umagos, Lagonglong.
Matud ni Ingente nga si Latio miyembro sa Ordnance unit sa Sub-Regional Committee 1, North Central Mindanao Regional Command.
Ang patay nga lawas sa duha ka mga rebelde gikuha na sa ilang mga pamilya.
Si Latio, gilubong sa public cemetery sa lungsod sa Lagonglong samtang si Compas gilubong sa Barangay Umagos sakop gihapon sa Lagonglong, Misamis Oriental.
Facebook Comments
