General Santos City—Nagpabilin sa Kustudiya sa Polomolok PNP ang duha ka mga Pakistani National nga silang Adeel Anwar ug si Ameer Hamza Imtiaz kansa una ng nasikop sa hiniusang puwersa sa mga personahe sa Bureau Of Immigration ingon man Polomolok PNP sa Brgy. Poblacion sa nasampit nga munisipyo.
Gipaklaro ni Police Captain Brandy Rasos nga basi sa ilang imbestigasyon nasuta nga expire na ang passport ug visa sa mga nasampit hinungdan nga sila gisikop human nahibaw-an sa immigration ang ginapuy-an sa duha ka mga langyaw.
Saysay pa sa opisyal nga nagtrabaho matud pa sa usa ka trucking ang duha ka langyaw sa usa ka dakong kompanya sa Polomolok apan nag expire na ang ilang mga dukumento mao nga sila gikustusiya.
Posible usab nga makagawas ang duruha higayon nga ilang paasikaso ang ilang mga dukumento. (Reynald Timario)
