Duha ka pulis na tagdagit nan NPA tagtakda buhain kuman adlawa
Tagkumpirmar nan Spokesman nan New People’s Army Ka Oto na eksakto alas 12:00 kuman adlawa tagtakda buhian an duha ka tagdagit na mga pulis na sila ni P02 John Paul Doverte ug P02 Alfredo Degamon Jr. sa Brgy. Mahanub, Gigaquit, Surigao del Norte.
Tagtudlo na an pagbuhi an pinaagi sa pagpaningkamot nan Third Party Facilitators. Municipal ug Prov’l Crisis Management Committee ug iban pa. Sumaya pa ni Ka Oto na adton Dec. 5 pa unta buhian an duha ka pulis pero gumikan sa pipila ka kakulian an waya madajon ugsa na kuman adlawa na lamang. Ini may pagtugot sa National Democratic Front ug Bagong Hukbong Bayan para maangkon an tinuod na kalinaw bisan pa man sa pagpirma sa Executive Order ni Pres. Rodrigo Duterte na nagtudlo sa NPA isip terroristang grupo.
Sa nahibaw-an dugang pa nan RMN, human sa pagbuhi sa ila ni P02 Doverte ug P02 Degamon an tagtakda dad-on ug i-presentar an mga ini ngadto kan Pres. Duterte sa Davao City.
