Patay sa engkwentro ang duha ka sakop sa Communist Party of the Philippines – New People’s Army Terrorist, tali sa 65th Infantry STALWART Battalion ning bag-o sa Barangay San Rafael, Talakag, Bukidnon.
Kini human makadawat og report ang militar gikan sa concern citizen kalabot sa presensya sa mga rebelde sa maong barangay, busa mihimo gilayon og operasyon ang tropa sa 65th IB Philippine Army.
Kini aron masiguro ang kaluwasan sa mga residente ilabina ang kanhi mga miembro sa Militia ng Bayan, Sangay ng Partido sa Lokalidad ug Underground Mass Organization.
Nasayran nga na-engkwentro sa militar ang Squad 1, Platoon 1 ubos sa Kira Sub Regional Sentro de Gravidad, Sub Regional Committee 5 sa North Central Mindanao Regional Command, kung asa milungtad sa 10 minutos ang binayloay sa mga bala rason nga nagkatibulaag ang mga rebelde.
Human niini narekober usab sa militar ang duha ka patayng lawas sa walhong grupo lakip na ang duha ka M16 ug usa ka M14 rifle.
Gikabutyag nga ang duha ka patayng lawas ang giturn-over na sa Takakag PNP alang sa tukmang disposasyon ug pag-ila sa mga namatay.
Gikasubo usab ni Lt. Col. Benjamin Pajarito ang panghitabo ug miingon nga wala untay namatay kung wala nanghaylo ang mga komunistang grupo nga mokabig kanila bugti sa kaharuhay sa kinabuhi sa mga lumad ug mag-uuma sa maong dapit.
