Nagpasar sang duha ka mga resolution ang Provincial Liga ng mga Barangay sa South Cotabato nga may katuyuan nga aksyunan ang nagasaka nga kaso sang balatian nga dengue dire sa probinsya.
Ini amo ang Resolution No. 004 series of 2019 ng nagahingyo sa Sangguniang Panlalawigan nga pag-institutionalize sa bulan sang Hunyo kada tuig nga Dengue Awareness Month kag June 15 kada tuig nga Asean Dengue day sa probinsya.
Ginahingyo man sa SP sang Liga ng mga Barangay paagi sa resolution no. 003 ang pagpasar sang resolution nga nagahangkat sa tanan nga mga local government units kag mga barangay sa probinsya nga i-institutionalize ang pagpatuman sang 4S staretgy sa pag-address sang balatian nga dengue kag iban pa nga related diseases sa probinsya.
Suno kay ABC President Board Member Rolando Malabuyoc kinahanglan nga maghulag sang tanan sa pagtapna sang balatian nga dengue paagi sa paglimpyo sa palibot ukon pagpatuman sang “Oplan Kulob” sa breeding place sang lamok tungod sa padayon nga pagsaka sang kaso kag may-yara na sang napatay.
Nahibaluan nga base sa datos sang Provincial Health Office sang South Cotabato halin Enero tubtob Hunyo 29 subong nga tuig yara na sa 2,776 ang kaso sang dengue kag dise sais na ang narekord nga patay.
