Duha ka sakyanan nagbangga, duha patay pito samaran

20

Dumalinao, Zamboanga del Sur – Patay ang duha ka tawo samtang gi-obserbahan pa sa mga doktor ang pito ka indibidwal nga samaron sa duguong bangga sa duha ka sakyanan sa National Highway sa Brgy. Paglaum sakop sa lungsod sa Dumalinao.
Nahipos nga impormasyon sa RMN DXPR Pagadian giila ang namatay nga driver sa Forward nga gikargahan sa mga construction materials nga si Mario Balabag, 51 anyos, residente sa Purok 3, Brgy. Limonan San Miguel, Zamboanga del Sur.
Sa ulahing nahipos nga impormasyon sa RMN Newsteam ang six-wheeler truck nga gikargahan og isda nga nawad-an og presno rehistrado sa Jordan Fishing Corporation sa Barangay Mampang, Zamboanga City ug gimaneho ni Ariel Basister Napalcruz, 31 anyos, residente sa Barangay Talon-talon, Zamboanga City.
Nadala pa sa ospital si Napalcruz apan gideklara sa doctor nga dead on arrival.
Base sa nakasaksi, nga si Marivic Paglinawan maoy nangawat ug linya ang fish carrier og wala na damha nga matagbo sa forward color puti.
Tungod sa kakusog sa impact sa bangga, dili na mahitsura ang dagway sa mga sakyanan.
Giimbestigahan pa sa mga otoridad ang maong kaso diin lakip nga nadamyos ang ubang sakyanan nga napungitan nga gilangkuban sa Toyota Corolla, Toyota Wigo, Mitsubishi truck, duha ka motorsiklo ug army truck.

Facebook Comments