Duha ka tawo gipamusil sa Lake Sebu, South Cotabato

10

Lake Sebu, South Cotabato—Gipamusil ang duha ka mga personahe, samtang nagbaktas lang sa dalan sa Sitio Upper Bleboy, Barangay Talisay, Lake Sebu, South Cotabato pasado alas 3:00 sa hapon.
Mga biktima giilang silang si Evelyn Esgrina Ecorido, 42-anyos ug Johanis Marcellana Concolis, 50 -anyos, laborer ug susamang residente sa maong mga lugar.
Base sa imbestigasyon sa Lake Sebu Municipal Police Station, migula nga pauli na unta ang duruha sa ilang panimalay apan pag-abot atubangan sa balay sa suspetsadong si Ariel Escorido Mozones, 37-anyos, mag-uuma ug residente sa maong lugar , kalit lang matud pa silang gipamusil gamit ang single shot homemade 12 gauge firearm.
Una ng gipusil sa suspek si Evelyn Esgrina Ecorido nga naigo sa iyang tuo nga tiil dayon gisunod niini ug pusil si Johanis Marcellana Concolis nga naigo sa iyang tyan.
Gilayong nangayog tabang ang mga biktma sa ilang mga silingan, apan, inay laing suspek nga si John Escorido Pingoy, 39 –anyos, single, mag-uuma ug residente usab sa maong lugar ang misuway usab ug pusil kang Johanis Marcellana Concolis apan swerte nga wala mibuto ang pusil.
Gilayon nga gipangdala sa ospital ang duruha samtang ang suspek nga si Ariel Escorido Mozones ang misurender sa responding team sa Lake Sebu MPS diin lakip ang armas nga gigamit niini sa pagpamusil ang iyang gisurender, samtang ang suspek nga si John Escorido Pingoy ang nisibat sa wala sayring lugar.
Personal grudge ang motibo nga ginatan-aw sa kapulisan kalabutan sa maong insidente.

Facebook Comments