Patay ang duha ka tawo human nakaangkon sa samad dinunggaban kaganihang alas tres sa kadlawon.
Matud ni Rodel Libria ang survivor sa maong insidente nga gikan sila sa Mantibugaw, Manolo Fortich, Bukidnon sa dihang kalit silang giharangan sa usa ka motorsiklo diin sakay ang duha ka lalaki.
Kalit matud pa gibunalan ang iyang ulo kung asa nakaangkon kini sa dakong samad busa nagtago kini sa usa ka under construction nga balay sa crossing sa Barangay Balubal ning syudad.
Samtang, nakit-an ang duha ka tawo nga patay na sa Purok 7, Upper Puerto, Cagayan de Oro.
Ang mga biktima mao silang Meliseo Balatero, 36 anyos, taga Mantibugaw, Manolo Fortich, Bukidnon ug usa ka Arnold Buray.
Matud sa imbestigador nga naglakganay ang duha ka mga motor gikan sa Mantibugaw, Manolo Fortich ug nag-abot sa Purok 7, Barangay Puerto kung asa nahitabo ang krimen.
Nasayran nga dunay tag duha nga sakay sa motorsiklo kung asa duha niini ang namatay ug usa ang samaran samtang gipangita pa ang usa ka tawo nga sakay niini.
