Duha ang nagpositibo sa corona virus subong nga adlaw, ini sila ang taga syudad sang Bacolod kag banwa sang La Castellana base sa COVID-19 Case Bulletin nga gin paggwa sang DOH-6, Hunyo 10.
Ang taga syudad sang Bacolod amo si Patient WV 128, 32 anyos nga lalaki sang Prk. Pinetree Brgy. Bata, isa ka anay private driver sang isa ka 6th District Board Member, apang ini ang nag-untat na sa trabaho sang bulan pa sang Pebrero.
Suno kay Negros Occidental Vice Governor Jeffry Ferrer sa interview sang DYHB, nag-ayo ang pasyente nga mabalik kuntani bilang drayber rasun nga gin-require ini nga magpaidalum sa swab test (RT-PCR test) sang Hunyo 5 kag naggwa ang positibo nga resulta sa virus subong nga adlaw, Hunyo 10.
Ginklaro man ni Vice Governor Ferrer nga wala dapat sang kabalak-an ang mga empleyado sang kapitolyo bangud wala maka kadto ang pasyente sa lugar kag ini ang indi empleyado sang probinsya.
Samtang, si Patient WV 129 ang isa ka 28 anyos nga lalaki sang Barangay Masulog banwa sang La Castellana, isa ka repatriated locally stranded individual (LSI) nga may travel history nagikan sa Cebu.
Ang duha ang naka facility quarantine.
Sa karon nga adlaw, tatlo ang nagpositibo sa Western Visayas matapos nga may 61 anyos man nga lalaki nga taga Arevalo syudad sang Iloilo ang nagpositibo sa virus base sa DOH-6 Bulletin.
[image: image.png]
