General Santos City–Gikumpirma ni Maguindanao 2nd District Congressman Toto Mangudadatu nga anaa na sa maayong kondisyon si Mohammad Sangki nga nagpabiling nagpa-alim sa ospital kansa naka-angkon ug igo pinusilan sa lawas human nga gi-ambush ang gisakyan niining Toyota Innova sa wala mailhing mga suspek sa national hi-way Brgy.Bukay Pait Tantangan sot.cot. niadtong milabay nga semana.
Nasayran nga sa maong pagpangambush patay ang driver sa DOJ ug samdan usab ang tulo ka mga kaubanan niini.
Base sa kumpirmasyon sa Kongresista human nahinabi sa RMN Gensan News Team, si Sangki usa matud pa ka high value nga witness sa Maguindanao Massacre rason nga interesado gayud ang mga kalaban niini hinungdan nga gusto kining ipapatay.
Gitin-aw usab ni Congressman Mangudadatu nga wala usab niini gibalewala ang isyu sa pulitika nga usa usab nga gilantaw sa opisyal nga hinungdan sa pagpusil sa biktima gumikan kay kanhi kining councilor sa Ampatuan Maguindanao ug mipapili isip mayor niadtong 2019 midterm election asa nakalaban niini ang iyang pag-umangkon.
Dugang pa sa opisyal nga makaduha na ka higayon gi-ambush ang nasangpit nga witness, duol lamang sa Police PNP headquarters sa Shariff Aguak samtang padulong kini sa ilang panimalay.
Sa karun wala pay matumbok ang Kongresista kung si kinsa ang responsableng mihimo sa krimen gumikan nagpadayon pa ang imbestigasyon sa pulis ug NBI gani gimanduan na sa Secretary sa DOJ nga palawman ang imbestigasyon tungod kay gobyerno ang gikalaban sa mga suspek.(RV)
(CTTO)
