Ginbuksan ang duha pa ka dugang nga Malasakit Centers one-stop-shop sa rehiyon dose nga mismo ginpangunahan ni Undersecretary Aimee S. Torrefranca-Neri kag Senator Christopher Lawrence ‘Bong Go’
Sa subong may-yara na sang anum ka Malasakit centers sa rehiyon nga nahamtang sa mga DOH-run hospital kag Philippine General Hospital.
Ang ika-109 nga Malasakit Center ang ginbuksan sa Cotabato Sanitarium Hospital (CSH) sa Sultan Kudarat, Maguindanao, samtang ang ika- 110 nga Malasakit Center ang sa North Cotabato Provincial Hospital (NCPH) sa Barangay Amas, Kidapawan City.
Ang Malasakit Centers ang one-stop-shop sa diin ang mga pigado nga mga pasyenti ang sarang nga makabenepisyo sang financial kag medical assistance halin sa mga nagkalain-lain nga ahensya sang gobyerni kapareho sang Philippine Health Insurance Corporation, Department of Health, Philippine Charity Sweepstakes Office kag DSWD.
Nahibaluan nga ang kada hospital ang makabaton sang P3 million halin sa Office of the President agud buligan ang mga pigado nga pasyenti.
Samtang nagpromisa man si Senador Bong Go nga maghatag sang P10-million assistance para sa improvement kag equipment sang North Cotabato Provincial Hospital.
Kadungan sang nasambit nga aktibidad naghatag man ang opisyal sang P3,000 cash assistance, vitamins, face shield, face mask sa 157 ka mga benepisyaryo sa Cotabato Sanitarium Hospital kag 150 naman sa Sultan Kudarat Municipal Gym nga ginalakipan sang mga ustadzes orphans kag market vendors
267 naman ka mga frontliner personnel sang NCPH kag 176 ka mga pasyenti sang hospital ang nakabaton sang P3, 000 cash kag grocery items.
