Patay ang duha ka lalaki matapos nga gintiro sa isa ka gasolinahan sa National Highway sa Barangay Dos syudad sang San Carlos pasado la Una sang hapon, Marso 12.
Ginkilala ang mga biktima nga sanday; Noli Mercado, 48 anyos residente sang Fatima Village, Barangay Rizal sang nasambit nga lugar kag nakabig High Value Target, nasalabat dire kag napatay man matapos naigo sang luthang sa dughan si Danilo Dollentes, 47 anyos, pilason man matapos masalabat ang asawa ni Dollentes nga si Rowena, 47 tanan sang Canlaon City, Negros Oriental.
Sa imbestigasyon sang otoridad, nagbakal sang prutas si Mercado sang ginluthang sang tatlo ka suspek.
Samtang si Dollentes kag asawa sini ang nagakaon sa isa ka kalan-an sang masalabat sang amo nga pagtiro.
May duha naman ka pulis sa amo nga lugar apang una ini nga gintiro sang mga suspek kag sa pagbalos sang pulis wala naman ma-igo ang tatlo ka suspek kag nagpalagyo.
Narekober sa eksena sang insidente ang pito ka basiyo sang cal. 45 kag duha ka basiyo sang 9mm nga pistola.
[image: image.png]
