Dead on arrival sa ospital ang duha ka mga persona, matapos nga nakabunggo ang ginasakyan nga motorsiklo sa“concrete landmark” sa Barangay Sinolon, T’boli, South Cotabato, alauna kaina sang kaagahon.
Ginkilala ang driver sang motorsiklo kay Elmer Kasaw, 18-anyos, kag ang backrider nga si Rejan Ugay, 18 –anyos, pareho residente sang Sitio Tablo, Barangay Lamdalag, Lake Sebu, South Cotabato.
Sa imbestigasyon sang T`boli MPS, sakay sa Honda RS 150, color black, wala sang plate number ang mga biktima halin sa Barangay Edwards kag pag-abot sa nasambit nga lugar nadulaan sang kontrol sa ginamaneho nga motorsiklo ang driver kag aksidente nga nakabunggo sa “concrete landmark” sa atubang sang Sinolon Compac.
Gindala pa sa ospital ang mga biktima apang gindeklarar nga patay na sang attending physician.
