BACOLOD CITY – Duha ka mga lalaki ang napatay matapos na-aksidente sa motorsiklo nga ila ginasakyan sa duha man ka separado nga insidente nga natabo sa ciudad sang Bacolod kahapon.
Nakila ang mga biktima nga sanday Esmer Yulas, 33 anyos, tumandok sang Talisay City kag si Roque Canbansagan, 50 anyos, pumuluyo sang Brgy. 29, Bacolod City.
Una nga insidente natabo may mga la Una kahapon sang hapon sa area sang Goldenfield sa Brgy. Singcang Airport kon diin ang biktima nga si Yulas ang hubog nga nagdala sang iya motorsiklo gani ini ang naaksidente kag nag-angkon sang pilas sa iya ulo.
Samtang, nag-angkon man sang head injury ang isa pa ka biktima nga si Cabansagan matapos ini aksidente ini nga nakabunggo sa isa ka poste sa Brgy. Bata may mga las 11:30 kagab-i.
Ang duha ka mga biktima ang lunsay gin-declare dead on arrival sa Corazon Locsin Montelibano Memorial Regional Hospital./DYHB NEWSROOM
