DUHA SA TATLO ka mga suspek sa pagkasunog sa Java Pension House (anay Bascon Hotel) sa dalan Locsin-Gonzaga syudad sang Bacolod pasado las kwatro sang kaagahon Nobyembre 26 yara na sa kustudiya sang kapulisan matapos nga nadakpan sa banwa sang Murcia.
Ang tatlo ang ginatudlo nga tuyo magkawat sang motor apang wala matigayon sang ini ang nagkalayo matapos nga gin sindihan sang lighter kag nagresulta sang pagkasunog sang Java Pension House nga gintunaan sang pagkapatay sang 6 ka persona kag pagkasamad sang iban pa ka indibidwal.
Sa imbestigasyon sang kapulisan, gin ako sang mga suspek ang krimen kag ila pa gin kuha ang helmet antis ini ang nagpalagyo.
Ginkilala ang mga suspek nga nadakpan nga sanday, Rodolfo Inson kag Venancio Valeriano kag ila man ginatudlo nga may yara pa ini sila isa ka upod nga sa karon padayon pa nga ginapangita sang otoridad.
Base sa record sang kapulisan sila ang may previos nga mga kaso sang pagpangawat.
Ang duha ang yara na sa kustudiya sang Police Station 1 sa syudad sang Bacolod.
