Duha sa tulo ka tigpayuhot sa illegal nga druga, nasikop sa operasyon sa PDEA Region 10

Detinado karon ang duha sa tulo ka tigpayuhot sa illegal nga druga human kini masikop sa sunod-sunod nga operasyon nga gihimo sa P-DEA Region 10.

Matud ni PDEA 10 Agent Ben Calibre, ang mga suspek mao silang Nobraisa Basman ug Celestina Lingao-Lingao nga pulos napalitan og tagsa ka sachet sa shabu.

Nakumpiska usab gikan sa duha ang kinse gramos sa shabu nga gibana-banang nagbalor og 90 mil pesos.

Samtang nakasibat usab sa laing operasyon ang suspek nga si Gerald Benosa human kini napalitan og shabu atol sa buy bust operation sa Zone 8, Lower Bulua ning syudad nga nagbalor sa sais mil pesos.

By: RadyoMaN Ellah Baculio