Gidestino na karon sa managlahing lungsod sa Bukidnon ang tulo ka polis sa Macasandig Police Station nga gi-relieve ni P-N-P 10 Director Chief Supt. Timoteo Pacleb.
Matud ni Cagayan de Oro City Police Office kon COCPO Spokesperson Chief Insp. Mardy Hortillosa nga gidestino si Police Senior Insp. Julius Saluta sa Malaybalay City Police Office samtang silang SPO4 Baltazar Daguilman ug PO3 Rey Bustamante ang gidestino sa Damulog ug Pangantucan Police Station.
Gibutyag ni Hortillosa nga niadto pang Oktubre 25 napirmahan ang mando sa pagbalhin apan Oktubre 29 na kini niabot sa COCPO.
Dugang pa ni Chief Insp. Hortillosa nga kini isip kabahin sa leksyon nga gihatag ni director Pacleb aron nga magtarong sa ilang pagpanarbaho ang kapolisan ning dakbayan.
Mahinumdoman, nga nasapon ni Pacleb ang duha ka polis nga nagtulog-tulog kamulong roving samtang si Saluta lakip nga nasilotan tungod kay command responsibility niini ang Macasandig Police Station ug ubos sa iyang pagdumala ang duha nga kaubang polis.
By: RadyoMaN Ellah Baculio
